جناح انٹرنیشنل ائیرپورٹ کی حدود میں رن وے کے اطراف جھاڑیوں میں آگ بھڑک اٹھی۔

زرائع ائیرپورٹ کے مطابق آگ رن وے نمبر 25 آر کی اپروچ سائیڈ جھاڑیوں میں طیاروں کی لینڈنگ والی سائیڈ پر لگی ہے۔

سی اے اے زرائع نے بتایا کہ بارش کے بعد سے رن وے کے اطراف اُگنے والی گھاس اور جھاڑیوں کو کاٹا نہیں گیا تھا جبکہ آگ سی اے اے کے ایئرسائیڈ شعبہ کی غفلت کی وجہ سے لگی ہے۔

سی اے اے کے 2 فائر ٹینڈر آگ بجھانے کی کوشش میں مصروف تھے۔

اس کے علاوہ عالمی سول ایوی ایشن قوانین کے تحت رن وے کے اطراف گھاس اور جھاڑیاں غیر قانونی ہیں جس کی وجہ سے آگ لگتی ہے اور جہازوں کو نقصان ہوسکتا ہے۔