کراچی میں تیزرفتار ڈمپر سڑک پر چلتے پھرتے انسانوں کی جان لینے لگے ہیں بالکل اسی طرح آج بھی ڈمپر نے ایک اور بچے کو کچل دیا۔

بلدیہ نادرن بائی پاس پرلکی چڑھائی ٹول پلازہ کے قریب ڈمپرنے ایک راہ گیر بچے کو کچل دیا، جو موقع پر ہی جان کی بازی ہار گیا۔

حادثے کا شکار ہونے والے بچے کی لاش کو سول اسپتال ٹراما سینٹرمنتقل کردیا، جس کی شناخت 12 سالہ قدرت اللہ ولد نیک محمد کے نام سے ہوئی ہے۔

اسی نوعیت کا ایک واقعہ گزشتہ روز سُرجانی بابا موڑ کے قریب پیش آیا تھا، جہاں ایک ڈمپر نے اسکول کے طالب علموں کو کچل دیا تھا جس کے نتیجے میں ایک بچہ جاں بحق ہوگیا تھا۔

حادثے کا شکارہونے والے اسکول کے طالب علم موٹر سائیکل پر سوار تھے جبکہ زخمی اور جاں بحق تینوں سگے بھائی تھے۔