لاڑکانہ میں پیپلز بس سروس کی ایک بس پر نامعلوم افراد نے فائرنگ کی ہے تاہم مسافر محفوظ رہے۔

پولیس نے اطلاع پر جاٸے وقوع پہنچ کر کارواٸی شروع کردی، کوٸی گرفتاری عمل میں نہ لاسکی۔

بس عملے کے مطابق اللہ آباد تھانے کی حدود میں اوور ہیڈ پل کے مقام پر نا معلوم سمت سے چلائی گئی گولی بس کے شیشے میں آکر لگی۔

گولی لگنے سے شیشہ ٹوٹ گیا جس کے نتیجے میں مسافروں میں خوف و ہراس پھیل گیا مگر خوش قسمتی سے کوٸی جانی نقصان نہ ہوا۔

ڈرائیور کا کہنا ہے کہ بس باکرانی ٹاورسے اپنی اگلی اسٹاپ نیو بس اسٹینڈ کی طرف جارہی تھی۔

پیپلز بس سروس کراچی، حیدرآباد سمیت سندھ کے بڑے شہروں میں پیپلز پارٹی کی صوبائی حکومت کی طرف سے شروع کی گئی ہے جس کے نتیجے میں شہریوں کو پبلک ٹرانسپورٹ کا ایک معقول ذریعہ میسر آیا ہے۔