ویسٹ ایشیا بیس بال کپ میں سری لنکا کو بڑا جھٹکا لگا، پہلی بار انٹرنیشنل ٹورنامنٹ کھیلنے والی فلسطین کے ہاتھوں شکست کا سامنا کرنا پڑا ہے۔

اسلام آباد میں جاری ویسٹ ایشیا بیس بال کپ کے آخری پول رائونڈ میچ میں فلسطین نے سری لنکا کو صفرکے مقابلے میں 10 رنز سے شکست دیکر اپ سیٹ کردیا۔

دوسرے میچ میں بھارت نے نیپال کو صفر کے مقابلے میں 15 رنزجبکہ تیسرے میچ میں بنگلہ دیش نے افغانستان کو دو کے مقابلے میں 12 رنز سے شکست دی۔

سپرفور راونڈ میں پاکستان پہلے میچ میں سری لنکا سے مد مقابل ہوگا جبکہ فسلطین کا میچ بنگلہ دیش سے کھیلا جائے گا۔