گورنرسندھ کامران ٹیسوری نے برنس روڈ فوڈ اسٹریٹ کا دورہ کیا، انہوں نے برنس روڈ فوڈ اسٹریٹ پر سحری کی۔

گورنر سندھ رمضان المبارک کی چھٹی سحری کرنے برنس روڈ فوڈ اسٹریٹ پہنچے تو فوڈ اسٹریٹ پر کامران ٹیسوری کو اپنے درمیان دیکھ کر شہری حیران رہ گئے۔

گورنر سندھ کامران ٹیسوری نے کہا کہ عہدہ ملنے پر عوام سے رابطہ توڑنا مناسب عمل نہیں، عوام سے ملاقات کے لئے روزانہ کسی نہ کسی فوڈ اسٹریٹ پر جاؤں گا، عوام میں جانے سے ان کے مسائل سے آگاہی ملتی ہے، کسی تنقید کی پرواہ نہیں، عوام میں جانا نہیں چھوڑوں گا، عوام کے مسائل متعلقہ اداروں کے علم میں لاتا رہوں گا۔

ان کا مزید کہنا تھا کہ شہری گورنرہاﺅس میں افطار کے لئے آسکتے ہیں، انتظامیہ بازاروں میں جاکرمہنگائی کنٹرول کرے، کراچی معیشت کا شہر ہے، اس میں امن و امان کا کوئی مسئلہ نہیں۔