کراچی کے چڑیا گھرمیں جانوروں کو خوراک فراہم کرنے والے ٹھیکیدار کی شکایت پر تحقیقات کے لئے قائم کی جانے والی تین رکنی کمیٹی نے بلدیہ عظمیٰ کراچی کے سینئر ڈائریکٹر زو اور سفاری پارک سے ریکارڈ طلب کرلیا۔

بلال کنسٹرکشن وجنرل سپلائر کی جانب سے سینئر ڈائریکٹر چڑیا گھرکے خلاف شکایت پر انکوائری کمیٹی قائم کی گئی ہے۔

سیکریٹری انکوائری کمیٹی نے درج کردہ شکایت سے متعلق تمام ریکارڈ آج فراہم کرنے کی ہدایت کردی ۔

کمیٹی تحقیقات مکمل کرکے سفارشات کے ساتھ رپورٹ کے ایم سی حکام کو روانہ کرے گی۔

کراچی چڑیا گھر کے جانوروں کو خوراک سپلائی کرنے والے کنٹریکٹرز نے چڑیا گھر کے سینئر ڈائریکٹر پر بھتہ لینے کاالزام لگاتے ہوئے کے ایم سی انتظامیہ کو خطوط لکھے تھے۔