کراچی میں چوری اور ڈکیتی کی وارداتیں جاری ہیں،عید کے چوتھے روز ڈکیتی کا ملزم گرفتار نہ کیا جاسکا۔

کراچی میں عید کے چوتھے روز میاں بیوی کو لوٹنے کی فوٹیج آج نیوز کو موصول ہوگئی، مسلح ملزمان نے بینک کے اے ٹی ایم میں مجود جوڑے کو لوٹ لیا۔

فوٹیج میں دیکھا جاسکتا ہے کہ ملزم خاتون اور مرد کو ہراساں اور زدوکوب بھی کرتا رہا، ملزم نے خاتون سے طلائی زیورات بھی اتروا لیے۔

ڈکیتی کا واقعہ کراچی کے علاقے عائشہ منزل پر واقع اے ٹی ایم پر پیش آیا، ملزم نے اے ٹی ایم سے نکلنے والی رقم اور بائیک کی چابی بھی چھین لی۔

ملزم کا چہرہ واضح ہونے کے باوجود ملزمان تاحال گرفتار نہ ہوسکا۔ فوٹیج میں افسوسناک بات یہ بھی دیکھنے میں آئی کے میاں بیوی کو لوٹنے کے دوران نجی بینک کا کوئی گارڈ بھی دکھائی نہیں دیا۔