لاہور میں پولیس نے تین ڈاکوؤں کو رنگے ہاتھوں گرفتار کرلیا گیا۔

لاہور کے علاقے شوکت ٹاؤن میں ڈولفن اسکواڈ اور ملزمان کے درمیان مقابلہ ہوا، پولیس کے مطابق تین ڈاکو گن پوائنٹ پر موبائل شاپ میں واردات کر رہے تھے۔

پولیس کے موقع پر پہنچنے پر ڈاکوؤں سے آمنا سامنا ہوا، ملزمان نے پولیس ٹیم کے اہلکار پر پستول تان لیا اور پھر دیگر اہلکاروں نے مؤثر حکمت عملی کے تحت ملزمان کو قابو کر لیا۔

ملزمان کے قبضہ سے دو پستول، بائیک اور موبائل برآمد کرلئے گئے، پولیس کا کہنا ہے کہ ملزمان نبیل حیدر و دیگر کو تھانہ فیکٹری پولیس ایریا کے حوالے کر دیا گیا۔