ایس ایس پی انویسٹی گیشن کے حکم پر گرین ٹاؤن انویسٹی گیشن پولیس نے کارروائی کرتے ہوئے 2 سال قبل بیوی کو کچے کے علاقے میں فروخت کرنے والے شوہر کو گرفتار کرکے خاتون کوبازیاب کروا لیا گیا۔

پولیس نے کارروائی کے دوران 2 سال قبل لاپتہ ہونے والی خاتون کو گھوٹکی سندھ سے بازیاب کروا لیا ہے، جبکہ اغواء اور فروخت میں ملوث ملزمان میں شوہر صائم مسیح اور ساتھی پٹھان خان شامل ہیں۔

متاثرہ خاتون کے والد کی مُدعیت میں نامعلوم ملزمان کے خلاف اغواء کا مقدمہ درج تھا۔ متاثرہ خاتون کا کہنا ہے کہ شوہر مزدوری کے لیے سندھ ساتھ لے گیا ادھر فروخت کردیا۔

پولیس نے مغوی مہک بی بی کو اس کے والد کے حوالے کرکے ملزمان کے خلاف قانونی کارروائی شروع کردی ہے۔