امریکا کے موسمیاتی پیش گوئی کرنے والے اداروں کے مطابق تین جولائی اب تک دنیا کا ریکارڈ کیا جانے والا گرم ترین دن تھا۔

دنیا کو ماحولیاتی تبدیلیوں کے خطرناک اثرات کا سامنا ہے، مختلف ممالک بدترین گرمی کی لپیٹ میں ہیں، جبکہ اوسط عالمی درجہ حرارت 17.1 ڈگری سیلسیئس (63 ڈگری فارن ہائیٹ) تک پہنچ گیا ہے۔

جو 2016 میں 16.9 ڈگری سیلسیئس تھا۔

امریکا، چین، شمالی افریقا شدید گرمی کی لپیٹ میں ہیں۔

گرانتھم انسٹی ٹیوٹ برائے موسمیاتی تبدیلی اور ماحولیات کے سینئر لیکچرر فریڈریک اوٹو نے اس نئے ریکارڈ پر تبصرہ کرتے ہوئے کہا ہے کہ ’یہ کوئی ایسا سنگ میل نہیں، جس کی ہمیں خوشیاں منانی چاہئیں، یہ انسانوں اور ماحولیاتی نظام کے لیے موت کی سزا ہے‘۔