Aaj News

اتوار, مئ 19, 2024  
10 Dhul-Qadah 1445  

آسمانی بجلی نے خاتون کو مالا مال کردیا

امریکی ریاست میسوری میں شاپنگ اسٹور میں پناہ لینے والی خاتون کی زندگی بدل گئی
شائع 17 جولائ 2023 09:19am
تصویر:سوشل میڈیا
تصویر:سوشل میڈیا

طوفان کی وجہ سے شاپنگ اسٹور میںپناہ لینے والی خاتون نے لاٹری ٹکٹ خریدا اور غیر متوقع طور50 ہزار ڈالرز کی انعامی رقم پر اپنے نام کرلی۔

امریکی میڈیا کے مطابق لاٹری جیتنے کاحیران کن واقعہ امریکی ریاست میسوری میں پیش آیا۔ خاتون نے میڈیا نمائندوں کو بتایا کہ وہ ڈرائیونگ کر رہی تھیں جب قریب میں ہی آسمانی بجلی گری اور انہیں فوری طور پر نہ چاہتے ہوئے بھی تھوڑی دیر رکنا پڑا۔

انہوں نے بتایا کہ سڑک پر دو بجلی کے بولٹ تھے جب آسمانی بجلی گِری اور میں نے اپنے شوہر سے کہا کہ میں اس طوفان میں نہیں جانا چاہتی۔

طوفان تھم جانے کے انتظار تک خاتون نے قریبی اسٹور میں پناہ لی اور وہاں موجود پاور بال لاٹری ٹکٹوں میں سے ایک ٹکٹ خرید لیا۔

خاتون نے بتایا کہ اگلی صبح انہیں پتہ چلا کہ جو لاٹری انہوں نے لی تھی، اس پرانعام نکل آیا ہے، وہ یہ انعامی رقم اپنے پوتے پوتیوں پر خرچ کرنے کا ارادہ رکھتی ہیں۔

Women

money

luck