Aaj News

جمعرات, اپريل 18, 2024  
09 Shawwal 1445  

’بھٹو کا موازنہ نواز شریف سے کرنا آنکھوں میں دھول جھونکنے کے مترادف ہے‘

مرتضیٰ وہاب کا جاوید لطیف اور طلال چوہدری کے بیان پر رد عمل
شائع 04 اکتوبر 2023 09:32pm

پیپلزپارٹی کے رہنما مرتضیٰ وہاب نے مسلم لیگ نون کے رہنما جاوید لطیف کے بیان پر رد عمل دیتے ہوئے کہا کہ جاوید لطیف صاحب شہید بھٹو کا موازنہ نواز شریف سے کر رہے ہیں جو آنکھوں میں دھول جھونکنے کے مترادف ہے۔

اوکاڑہ میں سابق ممبر قومی اسمبلی چوہدری ریاض الحق کی ریاش گاہ پر پریس کانفرنس کرتے ہوئے میاں جاوید لطیف نے کہا کہ 2024 کے الیکشن میں کوئی نواز شریف کو مائنس کرنے کی کوشش نہ کرے، کسی بھی سیاسی جماعت کو الیکشن سے آؤٹ نہیں دیکھنا چاہتے لیکن مجھے یہ کوئی بتا دے جو 9 مئی کو ہوا کوئی سیاسی جماعت کرتی ہے، کوئی باہر سے 9 مئی جیسا کام کرے تو دہشت گردی اگر کوئی سیاسی جماعت کرے تو آپ کیا کہیں گے۔

مسلم لیگ ن کے رہنما کا کہنا تھا کہ 2018 میں آر ٹی ایس بٹھانے کے باوجود ہم نے الیکشن کو مانا، اب میاں نواز شریف یا مسلم لیگ نون کیوں الیکشن نہیں چاہیں گے، ہر مشکل وقت میں نواز شریف نے ہی ملک کو سنبھالا، نواز شریف نے ہی پاکستان کو ناقابل تسخیر بنایا، اللہ تعالی کی ذات کے بعد صرف نواز شریف ہی ملک کو گرداب سے نکالنے کی صلاحیت رکھتے ہیں۔

انہوں نے مزید کہا کہ اگر 2014 میں سول نافرمانی کو روکا ہوتا تو آج 9 مئی کا سانحہ نہ ہوتا، ہم یہ کہتے ہیں کہ اگر آب 2016 اور 17 کے ذمہ داروں کا احتساب نہیں کرتے تو 9 مئی کے ملزمان کا احتساب تو کریں اور ان کو سزا ملنی چاہیئے، اس وقت ملکی معاشی حالات یہ ہیں کہ لوگوں کو روٹی نہیں مل رہی تو ہم کیا جشن منائیں، اس لیے ہم مینار پاکستان پر جلسہ کر رہے ہیں۔

جاوید لطیف نے یہ بھی کہا کہ 21 اکتوبر کو لاہور میں ہونے والا نواز شریف کا جلسہ ایک تاریخ رقم کرے گا۔

اس موقع پر سابق صوبائی وزیر میاں یاور زمان ضلعی صدر میاں منیر اور دیگر موجود تھے۔

مرتضیٰ وہاب کا جاوید لطیف اور طلال چوہدری کے بیان پر رد عمل

دوسری جانب میئر کراچی بیرسٹر مرتضیٰ وہاب کا ن لیگ کے رہنما جاوید لطیف اور طلال چوہدری کے بیان پر رد عمل دیتے ہوئے کہنا تھا کہ جاوید لطیف صاحب شہید بھٹو کا موازنہ نواز شریف سے کر رہے ہیں جو آنکھوں میں دھول جھونکنے کے مترادف ہے، ن لیگ کی کار گزاری بھٹو شہید کی قربانیوں کا عشرِ عشیر بھی نہیں ہیں، جاوید لطیف اور طلال چوہدری کس گھمنڈ سے بھٹو شہید کا موازنہ کرنے کی بات کررہے ہیں۔

مرتضٰی وہاب نے کہا کہ جاوید لطیف صاحب کو ماضی قریب کی سیاسی تاریخ پڑھنے کا مشورہ دیتا ہوں، بھٹو شہید کے خاندان نے جمہوریت کو اپنے خون سے سینچا ہے جس کا اعتراف نواز شریف بھی کرتے ہیں، جاوید لطیف اور طلال چوہدری اعداد و شمار کو مدنظر رکھتے ہوئے موازنے کی بات کریں تو مناسب ہو گا، جاوید لطیف ووٹ حاصل کرنے کے لیے پہلے سیاسی شعور بڑھائیں، حیرت ہے کہ ان کی کارنر میٹنگ میں اس طرح کی باتیں ہو رہی ہیں۔

مزید پڑھیں

میئر کراچی مرتضی وہاب کا سندھ حکومت سے بلٹ پروف گاڑی کا مطالبہ

میئر کراچی کا غیرقانونی ہائیڈرنٹس کیخلاف کارروائیاں جاری رکھنے کا اعلان

انہوں نے کہا کہ جاوید لطیف کو علم نہیں کہ پاکستان کو تحریکِ انتشار کے نرغے سے بھٹو شہید کی پارٹی نے نکالا تھا، بھٹو شہید کی قربانی رہتی دنیا تک یاد رکھی جائے گی، پیپلزپارٹی کا مقابلہ کرنے والوں کا سیاسی حال بھی دنیا نے دیکھا ہے۔

PMLN

Nawaz Sharif

Murtaza Wahab

Okara

mayor karachi

Mian Javed Latif

Pakistan People's Party (PPP)

Comments are closed on this story.

تبصرے

تبولا

Taboola ads will show in this div