سیاسی رہنماء احسان اللہ خاکسار بلوچستان عوامی پارٹی میں شامل ہوگئے۔

کوئٹہ میں منعقدہ تقریب میں احسان اللہ خاکسار بی اے پی میں شامل ہوئے، چیئرمین سینیٹ صادق سنجرانی اور خالد مگسی نے انھیں مفلر پہنایا۔

احسان اللہ خاکسار کی بلوچستان عوامی پارٹی میں شمولیت کی تقریب میں بڑی تعداد میں کارکن بھی شریک ہوئے۔

اس موقع پر خالد مگسی نے کہا کہ 5 سال کے دوران عوام کے مسائل حل کرنےکی کوشش کی، وفاق میں ہماری تعداد کم ہے، مؤقف مضبوط ہو تو فرق پڑتا ہے۔

پارٹی رہنما منظور کاکڑ کا کہنا تھا کہ ہماری قیادت بلوچستان کےعوام کی بات کرتی ہے، بی اے پی نے بلوچستان میں ترقیاتی کاموں کا آغاز کیا۔

کہدہ بابر نے بھی کہا کہ بی اے پی 5 سال صوبے کےعوام کے لئےلڑی، ہم سب ساتھ مل کر عوام کو حقوق دلائیں گے، پارٹی بلوچستان کی خواتین کی آواز اٹھائےگی۔