Aaj News

پیر, مارچ 04, 2024  
22 Shaban 1445  

وزیر اعلیٰ خیبر پختونخواہ کون ہوگا؟ پی ٹی آئی کے کئی امیدوار سامنے آ گئے

علی امین گنڈا پور بھی وزیر اعلی بننے کے لیے کوشاں ہیں
اپ ڈیٹ 11 فروری 2024 08:00pm

خیبر پختونخواہ میں وزیر اعلیٰ کے انتخاب پر پاکستان تحریک انصاف میں دھڑے بندی سامنے آ گئی، مختلف گروپس من پسند وزیر اعلٰی لانے پر کوشاں۔

پی ٹی آئی ذرائع کے مطابق وزیراعلی کے لیے کئی گروپ بن چکے ہیں جس میں سابق اسپیکر اسد قیصر اپنے بھائی عاقب اللہ کو وزیر اعلی بنانے کے خواہاں ہیں، جبکہ ڈیرہ اسماعیل خان سے علی امین گنڈا پور بھی وزیر اعلٰی بننے کے لیے کوشاں ہیں۔

۔ذرائع نے تصدیق کی ہے کہ عاطف خان اپنے گروپ سے وزیر اعلٰی خیبر پختونخواہ کی نامزدگی کے خواہشمند ہے جبکہ الیکشن کمیشن کی جانب سے پی کے 79 پر نتائج روکنے کے بعد تیمور جھگڑا ایک بار پھر خود بھی اس دوڑ میں شامل ہیں، جبکہ ہزارہ ڈویژن سے مشتاق غنی اور اکبر ایوب بھی وزیر اعلی کے لیے امیدوار ہیں۔

عاطف خان کا کہنا ہے کہ امید کرتے ہیں بانی چیئرمین خود وزیر اعلی نامزد کریں گے اور وہی وزیر اعلی ہونا چاہئے جسکا کردار صاف ہو۔

جبکہ پی ٹی آئی رہنماء بیرسٹر سیف نے آج نیوز سے گفتگو میں کہا ہے کہ مختلف نام زیر غور ہیں، لیکن پشاور ہائیکورٹ میں چند حلقوں کے نتائج چیلنج کئے گئے ہیں اور ہائیکورٹ میں کل سماعت کے بعد تفصیلی غور ہوگا۔

خیبر پختونخوا

Pakistan Tehreek Insaf (PTI)

election 2024 results

KPK Election Results

Comments are closed on this story.

تبصرے

تبولا

Taboola ads will show in this div