ترکی کے صدر رجب طیب اردگان نے صدر آصف علی زرداری کو ٹیلی فون کیا، آصف علی زرداری کو عہدہ سنبھالنے پر مبارک باد بھی دی

ترکی کے صدر رجب طیب اردگان نے صدر آصف علی زرداری کو ٹیلی فون کیا۔ دونوں صدور نے دوطرفہ اہمیت کے امور پر تبادلہ خیال کیا۔ رجب طیب اردگان نے صدر پاکستان منتخب ہونے پر مبارک باد پیش کی۔

دونوں صدور نے باہمی دلچسپی کے تمام شعبوں میں تعاون کو مزید بہتر بنانے کی ضرورت پر زور دیا۔ صدر مملکت نے جلد ہی رجب طیب اردگان کو پاکستان مدعو کرنے کی خواہش کا اظہار بھی کیا۔

صدرآصف زرداری نے ترک صدر کا شکریہ ادا کیا، صدر آصف زرداری نے ترکی کی عوام کو رمضان المبارک کی مبارکباد بھی دی۔