چونیاں کے نواحی گاؤں کوٹ وساوا سنگھ بھمبا میں معمولی جھگڑے پر مخالفین نے خاتون کے بھینسوں کے باڑے میں آگ لگادی۔ باڑے میں کھڑے ٹریکٹر کے علاوہ چار بھینسیں بھی جل گئیں۔

ریسکیو ذرائع نے بتایا ہے کہ خاتون کو تشویش ناک حالت میں اسپتال منتقل کردیا گیا۔

متاثرہ خاتون کا کہنا ہے کہ رمضان اور تنویر نے اس کی غیر موجودگی میں مویشیوں کے باڑۓ کو آگ لگادی۔ چھانگا مانگا پولیس بااثر ملزمان کے خلاف کارروائی کرنے کے بجائے ہمیں دھکے دے کر تھانے سے باہر نکال دیتی ہے۔

اس جھگڑے کا سبب راستہ بند کرنا بایا جارہا ہے۔ متاثرہ خاتون نے اعلیٰ حکام سے اپیل کی ہے کہ وہ نوٹس لے کر کارروائی کریں۔