لاہور کے ایک نوجوان نے عشق میں ناکامی پر مبینہ طور پر خود کشی کرلی۔ پولیس کے بیان کے مطابق 26 سالہ اسد نے اپنی کنپٹی پر گولی مار لی۔

پولیس کے بیان کے مطابق چندرائے روڈ کا رہائشی اسد تین بچوں کی ماں سے عشق کرتا تھا۔ خاتون نے اسد سے شادی کا وعدہ کیا تھا مگر بعد میں وعدے سے پھرگئی اور شادی سے انکار کردیا۔

خاتون کے انکار سے اسد ایسا دل برداشتہ ہوا کہ کنپٹی پر گولی مار کر جان دے دی۔

اطلاع ملنے پر پولیس نے موقع پر پہنچ کر لاش کو تحویل میں لے لیا۔ اسد پیٹرول پمپ پر سپروائزر کی حیثیت سے کام کرتا تھا۔