مشرقِ وسطیٰ میں جنگ کے باعث بھارت میں ایل پی جی کی سپلائی شدید متاثر ہوئی ہے۔ مختلف شہروں میں گیس کی دکانوں کے باہر عوام کی لمبی قطاریں ہیں۔ کمرشل سلنڈرز کے ذریعے گیس کی فراہمی پر پابندی کی وجہ سے ہزاروں ڈھابے اور ریسٹورنٹس بند ہو چکے ہیں۔ کھانا پکانے کے لیے کوئلے اور لکڑی کا استعمال کیا جارہا ہے یا پھر لوگ گیس پر پکے ہوئے کھانے کے بجائے پھل، سینڈوچ اور بسکٹس سمیت خشک اشیاء کھانے پر مجبور ہیں۔