بولی وڈ کی کوئی بھی فلم اس وقت تک مکمل نہیں ہوتی جب تک اس میں کم سے کم ایک ایسا سین نہ شامل کیا جائے جس میں ولن ہیرو کا یا پھر ہیرو ولن کا پیچھا کر رہا ہو۔ فلمساز کی کوشش ہوتی ہے کہ وہ کسی نہ کسی طرح ایسا سین ضرور فلم کی زینت بنائے۔ ہم ایسے ہی دس پیچھا کرنے والے سین بتا رہے ہیں جو آپ کے رونگٹے کھڑے کر دیں گے۔

شولے

'چل دھنو آج تیری بسنتی کی عزت کا سوال ہے'۔ یہ جملہ سن کر جب دھنّو نامی گھوڑی دوڑتی ہے تو گبر کے ساتھیوں کے ساتھ فلم بینوں کی آنکھیں بھی کھلی کی کھلی رہ جاتی ہیں۔

اڑتا پنجاب

شاہد کپور جب گاڑی کی کھڑکی سے سر نکال کر چلاتے ہیں تو ناظرین بھی جوش سے بھر جاتے ہیں۔

فین

پوری فلم کا سب سے بہترین سین وہ ہے جب آریان اور گوروکے درمیان 'چیز' شروع ہوتا ہے۔ واحد سین کو شوٹ کرنے کیلئے پورے شہر کا منظر دکھایا گیا۔

ہیرا پھیری

بابو راؤ، شام اور راجو کا سین کون بھول سکتا ہے جس میں تینوں حضرات سر پر ہیلمٹ پہنے پولیس سے بچنے کی کوشش کرتے ہیں۔ اس سین نے شائقین کو ہنسا ہنسا کر لوٹ پوٹ کروا دیا تھا۔

دھوم 2

ہریتک روشن کا رولر سکیٹس پر پیچھا کیا جانا اور آخر میں سنہری کے ساتھ بائیک چیز نے واقعی عوام کے رونگٹے کھڑے کر دیئے تھے۔

کِک

'ڈیول آپ کے پیچھے آپ ڈیول کے پیچھے 'ٹو مچ فن'،اس ڈائیلوگ کے ساتھ سلمان خان کا ایکشن اور ساتھ ہی ان کی دریا دلی نے اس وقت عوام کے دلوں میں جگہ بنا لی جب سلمان بھائی نے چلتی ٹرین کے سامنے اپنی جان کی پرواہ نہ کرتے ہوئے پہلے سائیکل کی جان بچائی۔

ڈر

سنی دیول اور شاہ رخ خان کے درمیان ہونے والا یہ چیز سین بولی وڈ کا سب سے لمبا سین سمجھا جاتا ہے جو کہ تین منٹ کا ہے۔ پس پردہ بجنے والا طبلہ نسوں میں جوش بھر دیتا ہے۔

سرفروش

سونالی باندرے کی طرح عوام بھی اس وقت حیران رہ جاتی ہے جب عامر خان اچانک سے ایک انجان آدمی کا پیچھا شروع کر دیتے ہیں اور سین کا اختتام ایک فائٹ پر ہوتا ہے۔

راون

اس سین میں استعمال ہونے والی ٹیکنالوجی ہالی ووڈ سے متاثر ہے۔ ہوا میں اڑتی گاڑیاں، بس پھاڑتی کار اور بائیک نے عوام کے لہو کو گرما دیا تھا۔

ریس

فلم کانام ریس ہو تو اس میں ریس ہونا لازمی بات ہے۔ فلم کے آخر میں اکشے کھنّا اور سیف علی خان کے درمیان ہونے والی کار ریس نے ناقدین کو بھی نشستوں پر منجمد کر دیا تھا۔

بشکریہ انڈیا ٹائمز