آج کل کے کھانوں میں حد سے زیادہ غیر معیاری اجزاء کا استعمال ہونے لگے ہیں۔ ہم روزمرہ جو چیزیں کھاتے ہیں وہ کتنی صحت بخش ہیں اس حوالے سے ہم کچھ نہیں کہہ سکتے۔

کچھ غیرمعیاری چیزیں ہماری صحت کےلیے نقصان دہ ہوتی ہیں لیکن کیا آپ جانتے ہیں ہم روزانہ کی بنیاد پر ایک ایسی شئے استعمال کررہے ہوتے ہیں جس کے نقصانات سے ہم بالکل بھی واقف نہیں ہیں ۔

شکر وہ خطرناک شئے ہے جس کا استعمال ہمارے لیے انتہائی نقصان دہ ہے۔ اس بات سے ہم واقف نہیں ہیں لیکن شکر ہماری صحت پر منفی اثرات مرتب کرتی ہے۔ اگر آپ شکر کا استعمال ترک کردیں تو آپ کی صحت بہتر اور آپ کے مزاج میں بھی واضح تبدیلی رونما ہوگی۔

شکر ترک کردینے سے آپ کو اور کیا کیا فائدے حاصل ہوسکتے ہیں، وہ درج ذیل ہے۔

٭ انرجی لیول بڑھتا ہے

اگر آپ اپنی ڈائٹ میں سے شکر نکال دیتے ہیں تو اس سے آپ کے جسم کے انرجی لیول میں واضح تبدیلی رونما ہوگی۔ شکر ترک کردینے سے آپ کا جسم خود انرجی پیدا کرے گا جوکہ آپ کی صحت کےلیے بہت اچھا ہے۔

٭ دیر تک سونے کی عادت ختم ہوجاتی ہے

شکر ترک کرنے کے بعد جب آپ کا انرجی لیول بہتر ہوگا تو اس کے ساتھ ساتھ آپ کےمیٹابولیزم میں بھی  تبدیلی آئے گی اور اس طرح آپ صبح جلدی اٹھنا شروع ہوجائیں گے ۔

٭ یاداشت اچھی ہوگی

شکر کا زیادہ استعمال آپ کی یاداشت کو کمزور کردیتا ہے، جس کی وجہ سے آپ کی کارگردگی متاثر ہوتی ہے۔ اگر آپ شکر ترک کردیں گے تو اس سے آپ کی یاداشت بھی بہتر ہوگی اور آپ کی کارگردگی بھی اچھی رہے گی۔

٭ وزن کم ہوگا

جب آپ شکر اور شکر سے بنی چیزوں کا استعمال ترک کرتے ہیں تو اس عمل سے آپ کے وزن میں واضح تبدیلی رونما ہوتی ہے۔ آپ کے جسم میں موجود غیر ضروری چربی ختم ہونا شروع ہوجاتی ہے۔

٭ ذہنی دباؤ کم ہوتا ہے

شکر ترک کرنے کا ایک بڑا فائدہ یہ بھی ہے کہ آپ کو ذہنی دباؤ سے نجات حاصل ہوسکتا ہے۔ چونکہ شکر کا زیادہ استعمال آپ کے انرجی لیول کو متاثر کرتا ہے، اسی لیے مزاج میں تبدیلی کے باعث کئی لوگ ذہنی دباؤ کا شکار ہوجاتے ہیں۔

٭ جلد بہتر ہوتی ہے

شکر کے کم استعمال سے آپ کی جلد بھی اچھی اور تروتازہ رہتی ہے، لہذا شکرکے زیادہ استعمال سے اجتناب کیا جائے۔

نوٹ: یہ مضمون محض عام معلومات کےلیے ہے، اس پر عمل کرنے سے قبل اپنے معالج سے ضرور مشورہ کرلیں۔