ڈبلیو ڈبلیو ای نے 29 اگست کو ہونے والے پورے تین گھنٹے کے شو راکو یونیورسل چیمپئن شپ کیلئے  ہونے والے فیٹل 4وے ایلیمنیشن میچ پر مشتمل رکھا۔ در حقیقت انہوں نے شروع میں مقابلے میں  حصہ لینے والوں (سیٹھ رولنز، رومن رینز، کیون اوونز اور بگ کاس)کے خیالات پر مشتمل ویڈیوز دیکھائیں۔

چار ریسلرز پر مشتمل لڑائی کو جیتنے والا اس نئے ٹائٹل کو حاصل کرنے والا دوسرا شخص ہوجاتا۔ فن بیلر نے سمر سلم میں رولنز کو ہرا کر بیلٹ حاصل کی تھی ، تاہم کندھے پر چوٹ لگنے کے سبب انہیں بیلٹ دفاع کیے بغیر آگے سپرد کرنی پڑی۔

کمشنر اسٹیفنی مک مہن اور جنرل منیجر مک فولے نے اعلان کیا کہ رنگ کے اطراف میں انکے علاوہ کوئی کھڑا نہیں ہوگا۔

میچ کی پہلی ایلیمینیشن بگ کاس کے خارج ہونے کی  صورت میں ہوئی، جن کو  رومن رینز کے سپر مین پنچ، رولنز کی سپر کک اور کیون اوونز کے فروگ اسپلیش نے زیر کیا۔

رومن رینز اپنے بقیہ دونوں حریفوں پر حاوی ہی تھے کہ ٹرپل ایچ آ پہنچے۔ اس سے پہلے ٹرپل ایچ آخری بار ریسل مینیا میں دیکھائی دیئے تھے۔ ٹرپل ایچ نے پرانی دشمنی کے بدلے کی آڑ میں پہلے رینز پھر رولنز کو داؤ لگا کر کیون اوونز کو ٹائٹل جیتنےکا موقع فراہم کیا۔