جرمنی:انسانی جسم میں ہزاروں بیماریاں پائی جاتی ہیں جن سے وہ لاعلم ہے،انسانی جسم میں پائی جانے والی سب سے معمولی بیماری ہے نزلہ زکام۔

لیکن انسان اسے بیماری سمجھتا ہی نہیں اسلئے اس کا علاج بھی نہیں کرتا یہاں تک کہ یہ بیماری بڑھ کر ناسور بن جاتی ہے اورتب تک بہت دیر ہو چکی ہوتی ہے۔

ماہرین کا اس حوالے سے کہنا ہے کہ چاہے بیماری کتنی ہی چھوٹی کیوں نہ ہو فوری طور پر ڈاکٹر سے رجوع کرنا چاہئے،انہوں نے نزلہ زکام کے بارے میں کہا کہ نزلے کاوائرس ان افراد پر اٹیک کرتا ہے جن کا مدافعتی نظام کمزور ہو۔
اس کا آغاز گلے کی خراش سے ہوتا ہے اور اگر فوری علا ج نہ کروایا جائے تویہ جان لیوا ثابت ہوسکتا ہے،نزلہ کاکان پر بہت شدید اثر ہوتا ہے اور بہت تکلیف دیتا ہے۔

جرمنی کے شہر بیلی فیلڈکلینک میں کئی سالوں سے ریسرچ کرنے والے ای این ٹی ڈاکٹر پروفیسر ہولگر سود ہوف جو چیف فزیشن بھی ہیں کا کہنا ہے کہ جب وائرس کا اٹیک ہوتا ہے تو اکثر گلا اور ناک اس کا ٹارگٹ ہوتے ہیں بعد میں یہ بیکٹیریا کانوں میں پھیل جاتے ہیں جو سپر انفیکشن کا روپ دھارلیتے ہیں ۔

ماہرین کا اس حوالے سے کہنا ہے کہ وائرل انفیکشن کی صورت میں فوری معالج سے رجوع کرنا چاہئے ،اگر علاج نہ کروایا جائے تو یہ خطرناک بیماری کا روپ دھار لیتا ہے،انہوں نے مزید کہا کہ بیماری کی صورت میں فوراً اینٹی باﺅٹک لینی چا ہئیں ۔

اس کے علاوہ احتیاط بہت ضروری ہے نزلہ ہونے کی صورت میں اپنے آپ کو گرم رکھیں،بھاپ لیں اور وکس کا ستعمال کریں۔