ٹوتھ برش کو لوگ عموماً دانت برش کرنے کے لئے استعمال کرتے ہیں، مگر اس کی خاصیت یہ ہےکہ صرف دانت صاف کرنے کےلئے نہیں ہوتا بلکہ اس سے آپ گھر کی دیگر چیزیں بھی صاف کرسکتے ہیں۔

 آپ اب تک کچن کے چولہے، ٹائلز اور فریج وغیرہ اسفنج یا ڈسٹر سے صاف کرتے آرہے ہوں گے۔ لیکن یہ تمام چیزیں ٹوتھ برش سے زیادہ صاف ہوسکتی ہیں ۔

گھر میں موجود کون سی چیزوں کو آپ ٹوتھ برش کے ذریعے صاف اور چمکدار بناسکتے ہیں، آئیے جانتے ہیں۔

٭ چولہا

ٹوتھ برش کے ذریعے آپ سخت اور مشکل داغوں کو باآسانی صاف کرسکتے ہیں۔ اکثر چولہوں پر کھانا پکاتے ہوئے گر جاتا ہے جو دیگر تک گرے رہنے سے چولہوں پر جم جاتا ہے اور اس کو صاف کرنا مشکل ہوجاتا ہے۔ یہ جما ہوا کھانا آپ ٹوتھ برش کے ذریعے باآسانی صاف کرسکتے ہیں۔

٭ٹائلز کی صفائی

اکثر ٹائلز کی لکیروں میں میل جما ہوجاتا ہے جس کی وجہ سے ٹائلز صاف ہوکر بھی صاف نہیں لگتے۔ اگر آپ ان ٹائلز کو ٹوتھ برش سے صاف کریں تو تمام جما ہوا میل صاف ہوجائے گا۔

٭ کارپیٹ

اگر آپ کے کارپیٹ پر کوئی ڈرنک یا تیل کا نشان پڑجائے تو اس جگہ پر تھوڑا سا سرف چھڑکیں اور ٹوتھ برش کی مدد سے ان داغوں کو صاف کرلیں،کارپیٹ پر سے وہ نشانات بالکل ختم ہوجائیں گے۔

٭ فریج

فریج کی صفائی کےلئے ٹوتھ برش سے بہتر اور کوئی آپشن نہیں ہوسکتا۔ چونکہ فریج کی صفائی کے دوران اس کے کنارے صاف ہونے سے رہ جاتے ہیں، لہذا ٹوتھ برش فریج کے تمام کنارے اچھی طرح صاف کرسکتا ہے۔

٭ اوون/ ٹوسٹ ٹر

مسلسل اوون اور ٹوسٹ ٹر کے استعمال سے اس میں کرمس جمع ہوتے رہتے ہیں اور صفائی نہ ہونے کے باعث یہ اوون اور ٹوسٹ ٹر میں جمنے لگتے ہیں۔ ان کو صاف کرنے کےلئے آپ ٹوتھ برش کی مدد لے سکتے ہیں اور جمے ہوئے کھانے کو باآسانی صاف کرسکتے ہیں۔