اسلام آباد ہائیکورٹ نے پاسپورٹ حوالگی کیس میں کسٹم حکام کی درخواست پرماڈل ایان کو نوٹس جاری کردیا۔اسلام آباد ہائیکورٹ کے جسٹس اطہر من اللہ نے کرنسی اسمگلنگ کیس کی ملزمہ ایان علی کو پاسپورٹ حوالگی کے خلاف کسٹم حکام کی درخواست پرسماعت کی۔
کسٹم حکام کے وکیل نے موقف اختیار کیا کہ ایان کا پاسپورٹ کرنسی سمگلنگ کیس میں اہم ثبوت ہے، ایان کا نام ای سی ایل میں شامل ہے اس لئے پاسپورٹ دینے کی کوئی وجہ نہیں، انہوں نے مزید کہا کہ ملزمہ کے غیر قانونی راستے سے ملک سے فرار کا خدشہ ہے،عدالت نے دلائل سننے کے بعد ملزمہ ایان کو نوٹس جاری کرتے ہوئے سماعت سولہ دسمبر تک ملتوی کر دی۔