:اجزاء

قلفی دودھ                           2 کلو

چینی                                4 سو گرام

کنڈنسڈ ملک                         1 کپ

کارن فلور                           چار کھانے کے چمچہ

عرق گلاب                          دو سے تین چائے کے چمچہ

پانی                                 آدھا لیٹر

بادام پیسے ہوئے                   3 کھانے کے چمچہ

پستے پیسے ہوئے                 3 کھانے کے چمچہ

شیرہ پانی                          ڈیرھ لیٹر

پیلا رنگ                          1 چٹکی

چینی                               150 گرام

عرق گلاب                        2 چائے کے چمچہ

سویاں/ فالودہ، اراروٹ           4  کپ

پانی                                1 سے ڈیرھ کپ

:ترکیب

قلفی دودھ کو اتنا پکائیں کہ وہ سوا کلو رہ جائے، پھر اس میں کنڈنسڈ ملک اور چینی شامل کرکے مزید پکائیں۔

پھر پانی شامل کرکے مزید پکائیں۔

کا رن فلور تھوڑے سے دودھ میں مکس کرکے پکتے ہوئے دودھ میں ڈال دیں، ساتھ میں چمچہ ہلاتے جائیں۔

سات سے آٹھ منٹ بعد عرق گلاب ڈال کے چولہا بند کر دیں۔

پستہ ، بادام ڈال کے اسے ٹھنڈا ہونے کے لیے فریزر میں رکھ دیں۔

پھر 3 سے 4 گھنٹے بعد نکال کے پھینٹ لیں اور قلفی کے سانچے میں ڈال کے دوبارہ فریزر میں رکھ دیں تاکہ جم جائے۔

شیرہ پانی میں چینی، عرق گلاب اور پیلا رنگ شامل کرکے اتنا پکائیں کہ تھوڑا گاڑھا سا شیرہ بن جائے۔

سویاں/ فالودہ اراروٹ میں پانی شامل کرکے مکس کریں اور پھر پین میں اسے ہلکی آنچ پر چمچ ہلاتے ہوئے پکائیں۔ تھوڑا پانی ڈالتے ہوئے آہستہ آہستہ پکائیں کہ یہ ٹرانسپرنٹ رنگ کا ہو جائے۔

اب ایک باؤل میں ٹھنڈا برف والا پانی لیں، اراروٹ کو مشین میں ڈال کے سویاں/ فالودہ بناتے ہوئے ٹھنڈے پانی میں ڈالتے جائیں۔

ان سویاں/ فالودہ کو شیرے والے پانی میں شامل کرکے قلفی کے ساتھ سرو کریں۔