لائبریری  وہ جگہ ہے جہاں  لوگ خاموشی سے بیٹھ کر مطالعہ کرتے ہیں ،لائبریری میں جگہ جگہ صرف کتابیں ہی نظر آتی ہیں ،کچھ لوگوں کو خاموش ماحول کی وجہ سے لائبریری زیادہ پسند نہیں ہوتی لیکن دنیا میں  کچھ ایسی لائبریریاں بھی موجود ہیں جن میں ایک بار جانے کے بعد واپس آنے کا دل نہیں چاہتا۔

یہاں دنیا کی 8 بہترین اور خوبصورت ڈیزائن والی لائبریروں سے متعلق تفصیلات پیش کی جار ہی ہیں   جنہیں بہترین سہولیات ،ماحول دوست ڈیزائن  کے باعث اس فہرست میں شامل کیا گیا ہے،ہمیں یقین ہے کہ کتابوں سے محبت کرنے والے افراد ایک بار  ضرور یہاں  کا دورہ کرنا چاہیں گے۔

The Royal Library, Denmark

ڈنمارک میں موجود اس لائبریری   کا آرکیٹیکچر  بلیک گرینائٹ سے بنا ہواہے جو اسے مزید دلکش بناتا ہے،اس میں ایک بڑا ہال،کیفے ،اور کتابوں کی ایگزیبشن کیلئے  کافی بڑی جگہ موجود ہے،عمومی طور پر  یہ جگہ "بلیک ڈائمنڈ"کے نام سے جانی جاتی ہے۔

Library Of Congress, Washington D.C.

اس لائبریری میں   یہاں  کے بانی تھامس جیفرسن کا   جمع کیا ہوا کتابوں کا مجموعہ موجود ہے جو ان کی کتابوں سے محبت کو ظا ہر کرتا ہے ،جبکہ لائبریری کا ڈیزائن نہا یت دیدہ زیب اور دلکش ہے  جو یہاں آنے والوں کو اپنے سحر میں مبتلا کردیتا ہے۔

Clementinum, Prague

پیرا گو میں موجود یہ لائبریری 1622میں قائم کی گئی تھی،جبکہ اس میں 20،000 کتابیں موجود ہیں ،  اپنی خوبصورتی کے باعث یہ لوگوں میں بے حد کشش رکھتی ہے۔

 Central Library of Vancouver, Canada

عمارت کا بہترین اور خوبصورت  آرکیٹیکچر  دیکھنے والوں کو مسحور کردیتا ہے ،یہ جگہ یقینی  طور پر لائبریری سے کچھ زیادہ ہے ،یہاں دوکانیں،کیفے  اور ملاقات کی جگہیں بھی موجود ہیں۔

New York Public Library

نیویارک میں قائم یہ لائبریری  کسی بھی شہر کے دوبلاکس تک پھیلی ہوئی ہے اپنے وسیع   رقبے کے باعث  یہ  بہت خوبصورت دکھائی دیتی ہے  ،یہاں کی سب سے خاص بات یہ ہے کہ یہاں   آنے والے لوگوں کو  یہاں کا  مفت میں ایک چکر لگانے کا موقع دیا جاتا ہے۔

 Trinity College Old Library, Dublin

اس کتب خانے کی چھت اور 200 فٹ لمبے کمرے  یہاں کی  سب سے  خاص بات ہے  جو اسے قدیم اور خوبصورت بناتے ہیں ،یہاں لوگ کتابیں پڑھنے کم سیر وتفریح کرنے زیادہ آتے ہیں۔

Library of Birmingham, England

یہ لائبریری کسی شاپنگ مال یا میوزیم  سے کم نہیں لگتی ،یہاں کی سب سے خاص بات   شیکسپئر کا یادگاری کمرہ ہے۔

Stuttgart City Library, Germany

اس لائبریری  کے آرکیٹیکچر میں زیادہ تر کام شیشے سے کیا گیا ہے  جبکہ اوپر سے دیکھنے پر یہ  کسی کیوب کی طرح نظر آتی ہے۔

Thanks to: gudstory.com