بیجنگ: چین میں 90 فیصد لوگوں کو کورونا سے بچاوّ کی ویکسین لگائی جاچکی ہے۔

نیشنل ہیلتھ کمیشن کے ہی چنگوا نے پریس کانفرنس کرتے ہوئے میڈیا کو بتایا کہ 1 ارب 22 کروڑ لوگوں نے اپنی ویکسینیشن مکمل کرلی ہے۔

انہوں نے عوام سے جلد از جلد بوسٹر شاٹس لینے کی تاکید کرتے ہوئے کہا کہ وہ ماسک پہنتے رہیں، سماجی فاصلہ رکھیں اور کمرے کے اندر وینٹیلیشن کو مضبوط کریں تاکہ COVID-19 انفیکشن کو روکا جا سکے۔

کمیشن کے مطابق جمعہ تک ملک بھر میں تقریباً 2.93 بلین COVID-19 ویکسین کی خوراکیں دی جا چکی ہیں۔