اسلام آباد: عالمی مالیاتی فنڈ (آئی ایم ایف) اور پاکستان کے درمیان مذاکرات کل سے شروع ہونے کا امکان ہے۔

آئی ایم ایف اور پاکستان کے درمیان مذاکرات کامیابی کی صورت میں قرض معاہدے پر دستخط ہوں گے، وزیرخزانہ اور گورنراسٹیٹ بینک مذاکرات معاہدے پر دستخط کریں گے۔

ذرائع کے مطابق آئی ایم ایف اور پاکستان کے درمیان معاہدہ بجٹ منظوری سے مشروط ہے، پاکستان نے قرض پروگرام 6 سے بڑھا کر 8 ارب ڈالر کرنے کی درخواست کی ہے۔

ذرائع کا کہنا ہے کہ پاکستان نےآئی ایم ایف سےقرض کی مدت میں ایک سال کی توسیع بھی مانگی ہے جبکہ پاکستان نےعالمی مالیاتی ادارے کی شرائط پرعملدرآمد بھی کیا ہے۔

ذرائع کے مطابق آئندہ مالی سال بجٹ کا حجم تقریباً 10 ہزارارب روپے ہوجائےگا، پیٹرولیم مصنوعات پر 11فیصد سیلزٹیکس یکم جولائی سےوصول کیا جائےگا، پیٹرولیم مصنوعات پر50روپےفی لیٹرلیوی لگانےکافیصلہ کیا گیا ہے ۔

ذرائع کے مطابق پیٹرولیم مصنوعات پرہرماہ 5روپے فی لیٹرلیوی لگانے پراتفاق ہوا ہے جبکہ ٹیکس وصولیوں کا ہدف 7005 سے بڑھاکر7450ارب روپےکرنے پراتفاق ہوا ہے۔