امریکی ڈالر نے ملکی تاریخ کی بلند ترین سطح پر پہنچتے ہی روپے کو مزید بے قدر کردیا۔

اسٹیٹ بینک کے مطابق ایک روپے 89 پیسے اضافے کے بعد ملکی تبادلہ منڈیوں میں امریکی ڈالر 226 روپے 81 پیسے کی بلند ترین سطح پر بند ہوا ہے۔

رواں ہفتے کے ابتدائی چار دنوں میں ڈالر کے بھاؤ میں 15 روپے 86 پیسے کا اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 228 روپے ہے۔

خیال رہے کہ گزشتہ روز ایک امریکی ڈالر کی قیمت دو روپے 96 پیسے اضافے سے 224 روپے 92 پیسے ہوگئی تھی۔