امریکی سینٹ کام کمانڈر کی سربراہی میں امریکی وفد نے جنرل ہیڈ کوارٹرز (جی ایچ کیو) کا دورہ کیا ہے۔
پاک فوج کے شعبہ تعلقات عامہ (آئی ایس پی آر) کے مطابق کمانڈر سینٹ کام کی آرمی چیف جنرل قمر جاوید باجوہ سے ون آن ون ملاقات ہوئی۔
آئی ایس پی آر کے مطابق ملاقات میں دفاعی، علاقائی سلامتی اور سکیورٹی تعاون بالخصوص عسکری تعلقات پر تبادلہ خیال کیا گیا۔
آئی ایس پی آر نے بتایا کہ ون آن ون کے بعد وفود کی سطح پر ملاقات ہوئی جس میں امریکی وفد نے پاک فوج کی انسداد دہشتگردی کی کوششوں کو سراہا اور علاقائی امن و استحکام کے لئے اہم کردار پر تبادلہ خیال کیا۔
