صدر مملکت عارف علوی کا کہنا ہے کہ عوام کو انصاف فراہم کرنا سب کی ذمہ داری ہے، میں نے کبھی کسی کی نوکری کے لئے سفارش نہیں کی۔
صدر مملکت عارف علوی نے آل پاکستان نیوزپیپرز سوسائٹی کے نو منتخب عہدیداران نازآفرین سہگل لاکھانی اور سرمد علی کو متفقہ صدر اور سیکرٹری جنرل منتخب ہونے پر مبارکباد دی۔
صدر مملکت کا کہنا تھا کہ امید ہے نومنتخب عہدیداران ملک میں ذرائع ابلاغ کی ترقی کیلئے اقدامات مزید تیز کریں گے، میڈیا ملک میں امن ، برداشت، اخلاقی اور جمہوری اقدار کے فروغ کیلئے کام کرے۔
صدر عارف علوی نے جعلی خبروں کے تدارک کیلئے اخبارات کی جانب سے کردار ادا کرنے کی ضرورت پر زور دیا۔
عارف علوی کا کہنا تھا کہ ہر ادارے میں میرٹ کو ترجیح دینی چاہیئے، انسان کو معاشی معاملات میں تفریق نہیں کرنی چاہیئے، سب کے لئے آسانی پیدا کریں، عوام کو انصاف فراہم کرنا سب کی ذمہ داری ہے۔
صدر مملکت نے مزید کہا کہ میں نے کبھی کسی کی نوکری کے لئے سفارش نہیں کی، چار برس میں سوائے چند کے تمام فائلیں ایک دن میں نمٹائیں۔
