پی سی بی مینجمنٹ کمیٹی کے چیئرمین ذکاء اشرف نے کسینو اسکینڈل کا نوٹس لیتے ہوئے کسینو جانے والے دو عہدیداران کے خلاف تحقیقات کا آغاز کردیا ہے۔

کولمبو کے کسینو میں جانے والے بورڈ کے میڈیا ہیڈ اور جی ایم کو شو کاز نوٹس جاری کرکے دونوں کو 7 روز کے اندر تحریری وضاحت جمع کرانے کی ہدایت ہے۔

قصوروار ثابت ہونے پر آفیشلز کے خلاف بورڈ کے رولز کے مطابق کارروائی کی جائے گی اور پی سی بی کنٹریکٹ کے مطابق جوئے خانہ جیسی جگہوں پر بورڈ ملازم نہیں جا سکتے۔

ماضی میں قومی ٹیم کے منیجرٹیسٹ کرکٹر معین خان کے خلاف کسینو جانے پرایکشن لیا گیا تھا، ان پر بھی کسینو جانے کا الزام تھا۔