جوڈیشل کمیشن نے سندھ ہائیکورٹ کے 6 ایڈیشنل ججوں کو مستقل کرنے کی متفقہ طور پر سفارش کردی۔
چیف جسٹس پاکستان قاضی فائز عیسیٰ کی سربراہی میں جوڈیشل کمیشن کا اجلاس ہوا، جس میں سندھ ہائیکورٹ میں 6 ایڈیشنل ججوں کو مستقل کرنے کی سفارش کی گئی۔
ذرائع کے مطابق جوڈیشل کمیشن نے جن 6 ججوں کو متفقہ طور پر مستقل کرنے کی سفارش کی ان میں جسٹس عبدالرحمان، جسٹس جواد سروانہ، جسٹس ثناء منہاس، جسٹس خادم سومرو، جسٹس اعجاز اور جسٹس امجد شامل ہیں۔
6 ججز کی مستقلی کا معاملہ پارلیمانی کمیٹی برائے ججز تقرری کو بھجوا دیا گیا۔
دوسری جانب جوڈیشل کمیشن کے اجلاس میں قائم مقام چیف جسٹس بلوچستان ہائیکورٹ جسٹس ہاشم خان کاکڑ کو چیف جسٹس بلوچستان ہائیکورٹ بنانے کا فیصلہ بھی کیا گیا۔
جوڈیشل کمیشن کے اجلاس میں جسٹس ہاشم خان کاکڑ کے نام کی منظوری دی گٸی، جوڈیشل کمیشن نے معاملہ حتمی منظوری کے لیے پارلیمانی کمیٹی کو بھجوا دیا۔
بلوچستان ہائیکورٹ کے پانچوں ججز کو مستقل کرنے کیسفارش
چیف جسٹس بلوچستان ہائیکورٹ نعیم اختر افغان کو سپریم کورٹ جج بنانے کافیصلہ
