اسلام آباد:غریب عوام پر مہنگائی کا پھر بم گرا دیا گیا ۔ نیپرا نے بجلی ایک روپے 82 پیسے مہنگی کردی۔  بجلی کی قیمت میں اضافے کا نوٹیفکیشن بھی جاری کردیا گیا۔

 بجلی صارفین کی جیب پر پھر ڈاکا ڈالا گیا،  نیپرا نے بجلی کی قیمت میں اضافہ کردیا۔ نیپرا کی جانب سے بجلی کی قیمت میں اضافے کا نوٹی فکیشن بھی جاری کردیا گیا ہے ۔

  نوٹیفکیشن کے مطابق بجلی کی قیمت میں اضافہ ستمبرکی فیول پرائس ایڈجسٹمنٹ کی مد میں  کیا گیا ہے۔

نوٹیفکیشن میں بتایا گیا ہے کہ بجلی کی تقسیم کار کمپنیاں دسمبرکے بجلی بلوں میں اضافہ صارفین سے وصول کرسکیں گی جبکہ لائف لائن صارفین اور کے الیکٹرک کے صارفین پر اضافے کا اطلاق نہیں ہو گا۔