یورپی ممالک میں سب سے پہلے لوگوں نے رنگت میں نکھار کے لئے مختلف طریقہ علاج اپنائے جس سے انہوں نے اپنی مرضی کے مطابق گوری اور پُر کشش رنگت حاصل کی۔ اسی کی دیکھا دیکھی بھارتی اداکارائیں بھی کہاں پیچھے رہنے والی تھیں انہوں نے بھی اپنی کالی رنگت سے چھٹکارا حاصل کرنے کے لئے مختلف علاج کروائے اور اس کے بعد یہ پُر کشش اور گوری رنگت حاصل کی۔

آج ہم آپ کو ان بھارتی اداکاراؤں کے بارے میں بتانے جارہے ہیں جنہوں نے اپنی کالی رنگت سے چھٹکارا حاصل کرنے کے لئے مختلف علاج کروائے۔

کاجول

بولی وڈ کی خوبرو اداکارہ کاجول اپنے کریئر کے ابتداء میں خاصی ڈارک رنگت کی مالکن تھیں۔ چونکہ بھارت میں گوری رنگت والے لوگوں کو زیادہ اہمیت دی جاتی ہے تو کاجول نے بھی اپنے اس کالی رنگت سے چھٹکارا حاصل کرنے کا فیصلہ کیا اور سرجری کروائی۔ جس کا اندازا آپ ان کی اس تصویر کو دیکھ کر بخوبی لگا سکتے ہیں۔

پریانکا چوپڑا

کاجول کی طرح پریانکا چوپڑا بھی ابتداء سے اتنی گوری رنگت کی مالکن نہیں تھیں جس کا اندازا ان کی حالیہ اور مس ورلڈ کے دور کی تصاویر کو دیکھ کر باآسانی لگایا جاسکتا ہے۔ انہوں نے اپنی اس گوری رنگت اور چہرے کی بناوٹ کو سدھارنے کے لئے مختلف سرجریز اور اسکن ٹریٹمنٹس کروائے۔

شلپا شیٹھی

شلپا شیٹھی بھارتی فلم انڈسٹری پر کافی عرصہ راج کرنے والی بولی وڈ کی مشہور اداکاراؤں میں شامل ہیں انہوں نے بھی اپنی اسکن کی رنگت کو گورا کرنے کے لئے مختلف اسکن ٹریٹمنٹس کروائے تاہم وہ اس بات کی انکاری ہیں لیکن فرق خود بولتا ہے۔

بپاشہ باسو

اگر آپ نے بنگال کی بیوٹی بپاشہ باسو کو ان کے کریئر کی ابتدائی فلموں میں دیکھا ہوتو آپ اس بات کا اندازا بخوبی لگالیں گے کہ انہوں نے اپنی گوری رنگت کے حصول کے لئے کتنے پاپڑ بیلے ہوں گے۔ حالیہ دور ہی میں انہوں نے بھی اپنی رنگت کو صاف کرنے کے لئے اسکن بلیچنگ کا فیصلہ کیا جس کی ایک میڈیا چینل کی جانب سے تصدیق بھی کی گئی۔

سری دیوی

اگر آپ کا یہ خیال ہے کہ صرف حالیہ دور کی اداکاراؤں نے ہی گوری رنگت کے لئے اسکن ٹریٹمنٹس کا سہارا لیا ہے تو آپ غلط ہیں کیونکہ ماضی کی سوپر ڈوپر اداکارائیں بھی یہ کرواچکی ہیں۔ ان میں سے ایک سری دیوی بھی ہیں اگر آپ ان کی تامل اور ہندی فلموں کی تصاویر کا موازنہ کریں گے تو فرق خود ہی اخذ کرلیں گے۔

ریکھا

اگر ریکھا کو بولی وڈ انڈسٹری کی کوئین کہا جائے تو یہ غلط نہ ہوگا کیونکہ انہوں نے اپنی ڈارک رنگت کے باوجود اپنی جاندار اداکاری سے اپنا لوہا منوایا۔ لیکن جب انہوں نے بھی دوسروں کو اسکن ٹریٹمنٹس کراتے دیکھا تو وہ بھی خود کو نہ روک پائیں اور اپنی رنگت میں نکھار کیلئے انہوں نے بھی اس ٹریٹمنٹ کو کروا ہی لیا۔