اپنوں نے ہی گرادیں نشیمن پہ بجلیاں، رشی کپور راہول گاندھی پر برس پڑے

ذیشان خالد حسین
شائع 13 ستمبر 2017 09:29am
لائف اسٹائل

rishi

کانگریس کے رہنما راہول گاندھی نے امریکا میں ایک پریس کانفرنس کے دوران جہاں موجودہ بھارتی حکومت کو آڑے ہاتھوں لیا وہیں کئی اور متنازعہ باتیں بھی کہہ گئے۔

ان کا کہنا تھا کہ ہماری ملکی سیاست میں اقرباپروری کا نظام بھی بہت ہی گندا ہے، حالانکہ وہ خود بھی اسی کی پیداوار ہوں۔ انہوں نے کہا کہ بھارت زیادہ تر پارٹیوں میں یہی نظام ہے جیسے اخیلیش یادیو صاحب کاتعلق راج گھرانے سے ہے، اسٹیلن صاحب بھی راج گھرانے سے تعلق رکھتے ہیں یہاں تک کہ ابھیشیک بچن کو بھی انہوں نے اسی کی پیداوار قرار دیا۔

انہوں نے کہا کہ اس طرح بھارت چل رہا ہے اور یہ کوئی اچھی مثال نہیں ہے۔

توقعات کے مطابق رشی کپور نے ٹوئیٹر پر پھر محاذ کھڑا کردیا۔ انہوں نے ٹوئیٹس کی سیریز میں راہول گاندھی کو آڑے ہاتھوں لیا۔ انہوں نے لکھا خدا کی مہربانی سے بولی وڈ انڈسٹری میں ہماری چار پشتیں کام کرچکی ہیں سب سے پہلے پرتھوی راج کپور، پھر راج کپور پھر رندھیر کپور اور اب رنبیر کپور اپنی صلاحیتوں کو منوارہے ہیں۔

اسی لئے ایسی چیزوں سے لوگوں کو گمراہ نہ کیا جائے اگر آپ لوگوں سے عزت اور پیار حاصل کرنا چاہتے ہیں تو اس کے لئے سخت محنت اور لگن کی ضرورت ہوتی ہے اسے زبردستی اور غنڈا گردی کے ذریعے حاصل نہیں کیا جاسکتا۔

:ان کی ٹوئیٹس ملاحظہ کیجیئے

Thanks to bollywoodlife

مزید خبریں
مقبول ترین
تازہ ترین