فلم 'پاکیزہ' سے شہرت حاصل کرنے والی بولی وڈ کی معروف اداکاری گیتا کپور انتہائی کسمپرسی کی حالت میں انتقال کرگئیں، ان کی عمر 57 برس تھی۔

غیر ملکی میڈیا رپورٹس کے مطابق اداکارہ نے اپنی آخری سانس ممبئی کے ایس آر او اولڈ ایج ہوم میں لی، ان کی موت کی تصدیق اداکار اشوک پنڈت نے کی۔

اشوک پنڈت نے گیتا کپور کی موت کی تصدیق کرتے ہوئے لکھا کہ 'میں گیتا کپور کی لاش کے پاس کھڑا ہوں جنہیں ایک سال قبل ان ہی کے بچوں نے نہایت محتاجی کی حالت میں ایس آر وی ہسپتال میں تنہا چھوڑ دیا تھا، جہاں وہ اپنے بچوں کا انتظار کرتی رہیں لیکن ان سے ملنے کوئی نہ آیا'۔

Standing besides the dead body of Actress #GeetaKapoor 57 who was abandoned by her kids in #SRVHospital a year back breathed her last at a suburban Old age home today morning. We tried our best to keep her healthy but her wait for her Son&daughter made her weaker day by day. #RIP pic.twitter.com/yCChdzeSEt

— Ashoke Pandit (@ashokepandit) May 26, 2018

یاد رہے اداکارہ نے بولی وڈ کی شہرہ آفاق فلم 'پاکیزہ' میں اداکاری کرکے شہرت حاصل کی تھی۔