لاہور: ماروی میمن کا کہنا ہے کہ اگر اپنے قائد سے اتنا لگاؤ ہے تو ریلی کافی نہیں جیل بھروتحریک چلائیں، جان قربان کرنے کی باتیں کرنے والے جیل کیوں نہیں بھرتے، میرے خلاف ن لیگیوں کی سوشل میڈیا مہم سے فرق نہیں پڑے گا۔

تفصیلات کے مطابق بینظیر انکم سپورٹ پروگرام کی سابق چیئرمین ماروی میمن نے نواز شریف کی جیل واپسی پر سماجی رابطے کی ویب سائٹ ٹوئٹر پر اپنے بیان میں کہا ن لیگ ممی ڈیڈی ٹوئٹس کی سیاست کے علاوہ کچھ نہیں، اگر اپنے قائد سے اتنا لگاؤ ہے تو ریلی کافی نہیں جیل بھروتحریک چلائیں۔

Pmln don’t bother trolling me-wil fall on deaf ears n u wil b blocked n u wil Mis candid tweets for future. Also if U ppl were real shairs wth no compromises u wld die4 ur quaid by doin JAIL BHARO.rally isn’t worth ur love for him. N is cosmetic n mummy daddy tweet politics

— Marvi Memon (@marvi_memon) May 7, 2019

انہوں نے مزید کہا کہ چوہدری نچار ساھ﷽ کیلئے یہ ایک نئی شروعات ہے، وہ جعلی تجزیہ کار اور چنے جتنے دماغ والے پارٹی ٹرولز جو ان کو گالیاں رہے ہیں فہرست بنائیں کہ کتنے قابل احترام لوگ ن لیگ چھوڑ چکے ہیں۔  

This is a new start for Ch Nisar sahib. Those pseudo analysts n party trolls wth pea brains abusing him kindly make a list of how many honorable ppl hav left PMLn. Seniors. Some hav been sidelined n due to fear of being abused continue on sidelines when they deserve spotlight. — Marvi Memon (@marvi_memon) May 7, 2019

یاد رہے چند روز قبل سابق وزیر خزانہ اسحاق ڈار سے مبینہ شادی کے حوالے سے ٹوئٹر پر ہونے والی ٹرولنگ پر لیگی رہنما ماروی میمن اپنی ہی پارٹی پر برس پڑی تھیں، اپنے ٹوئٹر پیغام میں ان کا کہنا تھا کہ بس بہت ہوگیا اب مجھے منہ کھولنے پر مجبور نہ کیا جائے، مزید تنگ کیا گیا تو کچھ لوگوں کیلئے بہت بڑا مسئلہ کھڑا ہوجائے گا۔

انھوں نے کہا تھا کہ لیگی قیادت کی ساکھ اپنی حماقتوں کی وجہ سے پہلے ہی ڈوب چکی ہے، منہ کھولا تو اخلاقی ساکھ بھی مکمل ڈوب جائے گی، میں برے وقت میں لیگی قیادت کے زخموں پر مزید نمک پاشی نہیں کرناچاہتی۔