کراچی: یوم علی کے حوالے سے ٹریفک پولیس نے روٹ پلان جاری کردیا، جلوس نشتر پارک سے دوپہر ایک بجے برآمد ہوکر اپنے مقررہ راستوں سے ہوتا ہوا شام چھ بجے حسینیہ ایرانیاں امام بارگاہ پہنچ کر اختتام پذیر ہوگا۔

جلوس کے روٹس میں نشتر پارک، نیو ایم اے جناح روڈ، پریڈی اسٹریٹ، کھارادر حسینیہ ایرانیان امام بارگاہ شامل ہونگے۔

جلوس کے شروع ہوتے ہی تمام ٹریفک کو سولجر بازار، کوسٹ گارڈ، انکل سریا چوک سے جوبلی یا نشتر روڈ کی جانب موڑ دیا جائے گا۔

 ناظم آباد سے ایم اے جناح روڈ آنے والے ٹریفک کو لسبیلہ چوک سے نشتر روڈ کی جانب گارڈن کی طرف موڑ دیا جائے گا لیاقت آباد سے ایم اے جناح روڈ کی جانب آنے والی ٹریفک کو تین ہٹی چوک سے مارٹن کوارٹر جیل روڈ کی طرف موڑ دیا جائے گا۔

ٹریفک کو جیل چورنگی فلائی اوور تک جانے کی اجازت ہوگی، جیل روڈ سے جمشید کوارٹر، شاہراہ قائدین، لکی اسٹار، شاہراہ فیصل، سرور شہید روڈ، فاطمہ جناح روڈ اور آئی آئی چندریگر روڈ موڑ دیا جائے گا۔

ٹریفک اسٹیڈیم روڈ کی جانب سے ایم اے جناح روڈ کی طرف جائے گی، نیو ایم اے جناح روڈ کی جانب سے ٹریفک آنے کی اجازت ہوگی، ٹریفک دادابھائی نور جی روڈ، کشمیر روڈ اور سوسائٹی لائٹ سگنل سے ہوتی ہوئی براستہ شاہراہ قائدین سے شارع فیصل جاسکے گی۔

 کسی بھی قسم کے ٹریفک کو پی پی چورنگی سے صدر دواخانہ کی جانب جانے کی اجازت نہیں ہوگی، سپر ہائی وے گلبرک کی جانب سے ایم اے جناح روڈ جانے والے ٹریفک کو لیاقت آباد نمبر دس سے ناظم آباد چورنگی نمبر دو کی طرف موڑ دیا جائے گا۔

گلبرک سپر ہائی وے سے آنے والا ٹریفک ناظم آباد سے براستہ حبیب بینک، شیرشاہ سے ماری پور تک جاسکے گا۔ ٹریفک کو گرومندر سے آگے جلوس کے روٹ پر جانے کی اجازت نہیں ہوگی۔

شاہراہ قائدین سے نمائش جانے والے ٹریفک کو سوسائٹی آفس پر روک دیا جائے گا، جلوس میں انٹری کیلئے پاس والی گاڑیوں کو جلوس میں شامل ہونے کی اجازت ہوگی، ناظم آباد سے آنے والے شرکاء لسبیلہ، گارڈن، جماعت خانہ، سولجر بازار نمبر تین تا نمائش سے پہنچ سکیں گے۔

ٹریفک پولیس نے بیس مقامات پر ڈائیورژن بنائے ہیں کسی بھی گاڑی کو جلوس کے راستے میں پارکنگ کی اجازت نہیں ہوگی۔