Aaj TV News

BR100 4,445 Increased By ▲ 25 (0.56%)
BR30 22,731 Increased By ▲ 119 (0.53%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

چین کے ہاتھوں کرنل سمیت بیس بھارتی فوجیوں کی ہلاکت پر بھارتی قیادت کو سانپ سونگھ گیا۔ بات بات پر بدلے کی بڑھکیاں مارنے والے مودی نے امن کا جھنڈا لہرادیا۔

بھارتی عوام کو ٹھنڈا کرنے کے لیے اگلی بار بدلہ لینے کا آسرا دے دیا۔ ادھر چین نے بھارت کو خبردار کردیا کہ لداخ کی وادی گلوان ہمیشہ سے چین کا حصہ رہی ہے، بھارت لائن کراس نہ کرے۔

 چین کے ہاتھوں بھارت کو ہزیمت کا سامنا کرنا پڑا ہے، لداخ کی وادی گلوان میں 20 فوجیوں کی ہلاکت کے بعد منہ چھپاتے نریندر مودی نے اپنی قوم کو امن کا چورن تھمادیا۔

ڈر پوک مودی نے بھیگی بلی بنتے ہوئے عوام سے مخاطب ہوئے کہا کرتے تو بہت کچھ سکتے ہیں لیکن ابھی امن چاہتے ہیں۔

ادھر چین نے بھارت کو خبردار کیا ہے کہ لداخ کی وادی گلوان ہمیشہ سے چین کا حصہ رہی ہے، بھارت لائن کراس نہ کرے۔  اس معاملے کا صحیح غلط سب واضح ہے، بھارتی فوجیوں نے سرحدی پروٹوکول کی سنگین خلاف ورزیاں کی ہیں، بھارت اپنے فوجیوں کی اشتعال انگیز کارروائیوں کو روکے۔