معروف گلوکار علی ظفر نے کراچی آرٹس کونسل کے ساتھ مل کر فنکاروں کی مدد کا اعلان کردیا۔ ان کا کہنا ہے کہ کورونا کی وباء کے باعث سینکڑوں فنکار، موسیقار اور ٹیکنیشنز مشکلات کا شکار ہیں۔

کراچی آرٹس کونسل اور علی ظفر فاؤنڈیشن مل کر مستحق فنکاروں کی مدد کریں گے، علی ظفر کا کہنا ہے کہ اس سلسلے میں کراچی آرٹس کانسل کے ساتھ رابطے میں ہوں۔

کراچی آرٹس کونسل کورونا کی وباء میں فنکاروں کی مالی معاونت میں اہم کردار ادا کر رہی ہے، کسی بھی فنکار کی عزت نفس مجروح کئے بغیر گھر بیٹھے ان کی مدد کی جائے گی۔