بالی ووڈ انڈسٹری کی معروف کوریوگرافر سروج خان دنیا سے رخصت ہوگئیں، ان کے انتقال کی خبر کی تصدیق بیٹی سکینہ خان نے کی۔

غیرملکی میڈیا رپورٹس کے مطابق بالی ووڈ کی نامور رقاصاؤں، سری دیوی اور مادھوری کے ساتھ کام کرنے والی 72 سالہ سروج خان گزشتہ کافی عرصے سے شوگر اور دل کے عارضے میں مبتلا تھیں۔

انہوں نے اپنے کیریئر کا آغاز ایک چائلڈ اسٹار کی حیثیت سے کیا تھا اور دیکھتے ہی دیکھتے لازوال شہرت حاصل کی۔

انہوں نے 'ڈولا رے ڈولا'، 'ایک دو تین' اور 'ہوا ہوائی' جیسے شہرہ آفاق گانوں کو کوریوگراف کیا۔