مسلم لیگ نون کے صدر اور اپوزیشن لیڈر شہباز شریف نے کراچی کے مختلف علاقوں کا دورہ کیا اور بارش سے متاثر ہونے والوں سے یکجہتی کا اظہار کیا ۔

میڈیا سے گفتگو میں انہوں نے کہا کہ وفاقی اور صوبائی حکومت متاثرین کیلئے امدادی پیکج کا اعلان کرے۔

مسلم لیگ نون کے صدر شہباز شریف نے کراچی آمد کے بعد ایئرپورٹ سے نکلتے ہی شہر میں ہوئی تباہ کاری پر افسوس کا اظہار کیا اور تعاون کا یقین دلایا۔

شہباز شریف سیدھا سب سے زیادہ متاثرہ علاقے ملیر پہنچے ۔ گاڑی کے اندر سے یکجہتی دکھائی اور چلتے بنے۔

جوہر موڑ پر رہائشی اپارٹمنٹ کی دیوار گرنے سےجاں بحق افراد کے لواحقین سے ملاقات کی۔

گلستان جوہر کے مختلف علاقوں کا دورہ کیا اور متاثرین کیلیے امدادی پیکج کا مطالبہ کیا۔

شہباز شریف اپنے انتخابی حلقے بلدیہ بھی پہنچے اور کارکنان سے خطاب کیا۔

اپوزیشن لیڈر نے ناظم آباد کی صورتحال کا بھی جائزہ لیا اور کارکنان سے گفتگو کی۔

لیگی صدر آج رات کراچی میں ہی قیام کریں گے اور صبح واپس لاہور لوٹ جائیں گے۔