چیئرمین پاکستان علماءکونسل مولانا طاہراشرفی کا کہنا ہے کہ مولانا عادل کے قتل میں بھارت ملوث ہے۔دشمن چاہتا ہےکہ پاکستان میں فرقہ واریت پھیلے، مذہبی منافرت پھیلانے والوں کا پاکستان اور اسلام سے کوئی تعلق نہیں۔

لاہور میں پریس کانفرنس کرتے ہوے چیئرمین پاکستان علماء کونسل مولانا طاہر اشرفی نے مولانا عادل پرقاتلانہ حملہ کی پرزورمذمت کرتے ہوئے کہا کہ بھارت پاکستان میں امن نہیں چاہتا تاہم وہ پاکستان میں مذہبی منافرت پھیلاناچاہتا ہے۔ شرپسندعناصر کسی رعایت کے مستحق نہیں ہیں۔

مولانا طاہراشرفی کاکہناتھاکہ علماء نظریاتی سرحدوں کےمحافظ ہیں۔دشمن چاہتاہےکہ پاکستان میں فرقہ واریت پھیلے،تاہم ایسی حرکت کرنےوالوں کا عوام محاسبہ کریں۔ یونین کونسل کی سطح پر بین المسالک ہم آہنگی کونسلز جلد بنا دئیے جائیں گے۔