تربت پولیس کے ساتھ مقابلے میں ایران کو مطلوب دہشتگرد اپنے دو بیٹوں سمیت مارا گیا۔ پولیس نے گاڑی کو روکنے کی کوشش کی تو دہشتگردوں نے فائرنگ کردی۔

تربت پولیس کے مطابق گشت کے دوران اہلکاروں نے مشکوک گاڑی روکنے کی کوشش کی جس پر مسلح افراد فائرنگ کرتے ہوئے فرار ہوگئے۔

جوابی ایکشن میں ایران کو مطلوب مسلح تنظیم کا اہم رہنما ملا عمر دو بیٹوں سمیت مارا گیا۔ ملاعمر کا ایک بھائی تقریباً 15 سال قبل ایرانی فورسز کے ہاتھوں مارا جا چکا ہے۔