خیرپور کے علاقے شاہ لطیف میں پیپلزپارٹی سندھ کے نائب صدر منظور وسان کے بھتیجے اے ایس آئی بلاول وسان کی گاڑی ایک پول سے ٹکراگئی جس کے باعث گاڑی میں آگ لگ گئی، آگ سے جھلس کر بلاول وسان جاں بحق ہوگئے۔

پولیس نے آگ لگنے کی وجوہات جاننے کیلئے تحقیقات شروع کردی ہیں دوسری جانب لاش سول اسپتال منتقل کردی گئی ہے، جس کے بعد لاش کو آبائی گاؤں نواب وسان منتقل کیا جائے گا۔ جہاں نماز جنازہ ادا کی جائےگی۔

واقعےکی اطلاع ملتے ہی وسان فیملی آبائی گاؤں پہنچ گئی ہیں، پولیس نے شک کی بنیاد پر ڈرائیور کو گرفتار کرلیا ہے، جبکہ بلاول وسان کے جاں بحق ہونے پر کوٹ ڈیجی کنب شہر مکمل طور پر بند ہے۔