جوڈیشل کمیشن آف پاکستان نے اسلام آباد ہائیکورٹ کے ججز کیلئے بابر ستار اور طارق جہانگیری کے ناموں کی سفارش کر دی۔ حتمی منظوری کیلئے معاملہ پارلیمانی کمیٹی کو بھیج دیا گیا۔

چیف جسٹس گلزار احمد کی زیر صدارت اسلام آباد میں جوڈیشل کمیشن کا اجلاس ہوا۔ اجلاس میں اسلام آباد ہائیکورٹ میں ججز کی دو خالی نشتوں پر تعیناتیوں کیلئے دو ناموں کی سفارش کر دی گئی۔

زرائع کے مطابق ہائیکورٹ کے ججز کیلئے بابر ستار اور طارق جہانگیری کے ناموں کی متفقہ طور پر سفارش کی گئی ہے ۔ جوڈیشل کمیشن نے حتمی منظوری کیلئے معاملہ پارلیمانی کمیٹی برائے ججز تقرری کو بھیج دیا۔