Aaj TV News

BR100 4,678 Decreased By ▼ -9 (-0.18%)
BR30 18,623 Decreased By ▼ -17 (-0.09%)
KSE100 45,507 Decreased By ▼ -105 (-0.23%)
KSE30 17,926 Decreased By ▼ -16 (-0.09%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

ماؤنٹ منگنوئی: آل راؤنڈر فہیم اشرف اور کپتان محمد رضوان نے قومی ٹیم کی لاج رکھ لی، دونوں کی ذمہ دارانہ بیٹنگ کی بدولت پاکستان ٹیم نیوزی لینڈ کیخلاف پہلے ٹیسٹ میں فالو آن سے بچ گئی، قومی ٹیم پہلی اننگز میں 239 رنز بناکر آؤٹ ہوئی۔

ماؤنٹ مونگنوئی ٹیسٹ کے تیسرے روز بارش اور ژالہ باری کے باعث 2 سیشنز متاثر ہوئے۔ کیوی پیسرز نے پاکستان کے ٹاپ اور مڈل آرڈر کو تہس نہس کردیا، 80 رنز پر 6 وکٹیں گرنے کے بعد پاکستان نے فائٹ بیک کیا۔

کپتان محمد رضوان اور فہیم اشرف کی سنچری شراکت نے ٹیم کو فالو آن سے بچالیا۔ رضوان 71 رنز بناکر رن آؤٹ ہوئے جبکہ فہیم بھی بدقسمتی سے اپنی پہلی ٹیسٹ سنچری اسکور نہ کرسکے اور 91 کے انفرادی اسکور پر وکٹ کیپر کو کیچ دے بیٹھے۔

قومی ٹیم پہلی اننگز میں 239 رنز پر آؤٹ ہوئی، جس کی وجہ سے میزبان ٹیم کو 192 رنزکی برتری مل گئی۔ نیوی لینڈ کے جیمی سن نے تین جبکہ ساؤتھی اور بولٹ نے دو دو وکٹیں حاصل کیں۔

واضح رہے کہ کیوی ٹیم ماؤنٹ منگنوئی ٹیسٹ کے چوتھے روز 192 رنز کی برتری کے ساتھ دوسری اننگز کا آغاز کرے گی اور پاکستان کو جیت کیلئے بڑا ہدف دینے کی کوشش کرے گی۔