Aaj News

جمعہ, مارچ 29, 2024  
18 Ramadan 1445  

حریت رہنما سید علی گیلانی کے انتقال کی خبریں بے بنیاد قرار

مقبوضہ کشمیر کے سینئر حریت پسند رہنما سیّد علی گیلانی کے انتقال...
شائع 31 دسمبر 2020 09:57am

مقبوضہ کشمیر کے سینئر حریت پسند رہنما سیّد علی گیلانی کے انتقال کی خبروں کو بے بنیاد قرار دیدیا گیا۔

سید علی گیلانی کے ٹوئٹر اکاؤنٹ سے بھی تردیدی پیغام جاری کیا گیا ہے، جس میں کہا گیا ہے کہ 'محترم گیلانی صاحب اللہ کے فضل وکرم اور انکے چاہنے والوں کی دعاؤں سے بخیروعافیت ہیں۔ سوشل میڈیا پر چل رہی انکی وفات کی خبروں میں کوئی صداقت نہیں ۔ یہ سب بھارتی ایجنسیوں کی طرف سے جعلی مقابلوں میں ہمارے بچوں کی شہادتوں سے توجہ ہٹانے کی ایک مکروہ سازش ہے۔'

دوسری جانب کشمیر میڈیا سروس کے مطابق خبریں چل رہی ہیں کہ حریت پسند رہنما سیّد علی گیلانی انتقال کر گئے جس کی تردید ان کے اہلخانہ نے کر دی ہے۔

سیّد علی گیلانی کے بیٹے ڈاکٹر نسیم گیلانی نے خبروں کی تردید کرتے ہوئے بتایا کہ ان خبروں میں کوئی حقیقت نہیں ہے، میرے والد کی طبیعت ٹھیک ہے۔

کشمیر میڈیا سروس کے مطابق انہوں نے سیّد علی گیلانی کی صحت یابی کے لیے دعا کی اپیل کی ہے۔

Syed Ali Gilani

Comments are closed on this story.

تبصرے

تبولا

Taboola ads will show in this div