پنجاب سندھ کے وزرائےاعلیٰ، متعدد وفاقی وزرا سمیت 394 اراکین پارلیمنٹ اور صوبائی اسمبلیوں نے تاحال مالی گوشواروں کی تفصیلات جمع نہیں کرائی۔
الیکشن کمیشن نے اراکین کو مالی گوشواروں کی تفصیلات جمع کرانے کے لیے 15 جنوری تک مہلت دے دی ہے۔ 394 پارلیمنٹرین نے اپنے مالی گوشواروں کی تفصیلات نہیں دی۔
الیکشن کمیشن کے مطابق گوشواروں کی تفصیلات جمع نہ کرانے والوں میں وزرا اسد عمر،فواد چوہدری، نور الحق قادری، حماد اظہر،شفقت محمود ، فہمیدہ مرزا، علی زیدی ، زرتاج گل شامل ہیں، وزیر اعلیٰ پنجاب عثمان بزادر اور وزیراعلی سندھ مراد علی شاہ نے بھی گوشوارے جمع نہ کرائے۔
اپوزیشن لیڈر شہباز شریف، خرم دستگیر خان،محسن شاہنواز رانجھا نے تفصیلات نہیں دیں، الیکشن کمیشن کا کہنا ہے کہ سینیٹ کے 14 ،قومی اسمبلی کے 112 ،پنجاب اسمبلی کے 144 ، سندھ اسمبلی کے 48 ، خیبرپختونخواہ اسمبلی کے 50 اور بلوچستان اسمبلی سے 26 اراکین نے ابھی تک گواشوارے جمع نہیں کرائے،الیکشن کمیشن کے مطابق 15 جنوری تک گوشوارے جمع نہ کرانے والے اراکین کی رکنیت 16 جنوری کو معطل کر دی جائے گی۔
Comments are closed on this story.